Torna la spetacolare Festa dea Ua a Caxias nel Rio Grande do Sul in Brasil. Dal 18 febraro al 6 de marso.
E ste tose, la Regina de la manifestazion e le do principesse, ne invita tuti a vignir a Caxias do Sul, in lengoa veneta.
Dal 1931 ogni do ani vien organisà sta festa che la xe la pì inportante festa dea Ua e del vin de l’America Latina: ben 250 cantine che mete fora el so vin, disendenti de tanti e tanti veneti (e trentini, furlani, lombardi) che xe emigrà a partir dal 1875 suito dopo l’arivo del Regno d’Italia ne la nostra Tera veneta, se trova par far festa e par mostrar al mondo intiero la so bravura ne l’arte del fare el vin: on toco de Veneto de là del “foso grando” (l’oceano) che ga mantegnù salde le so raixe.
LEZI ANCA Varda come sta toseta parla la nostra lengoa in Brasil, e no la ze mai stà ne la tera dei so veci
In ocasion de la Festa vien anca votà la Regina de la manifestasion e do principesse che so stò toco le ne invita a ‘ndar a Caxias do Sul.
Par saverghene de pì varda el sito www.festadauva.com.br
On strucon a tuti, bona festa e bon laoro
Ettore Beggiato
